நீரிழிவு தகுந்த & தவிர்க்க வேண்டிய உணவு :

நீரிழிவு நோயாளிகளின் தகுந்த உணவு..

நீரிழிவை கட்டுப்பாட்டிற்குள் வைத்திருக்க முடியுமே தவிர முழுவதுமாகக் குணப்படுத்த இயலாது. இதைக் கட்டுப்பாட்டிற்குள் வைத்திருந்தால் சிறுநீரகம், கண், இரத்தக் குழாய் போன்ற உறுப்புகளின் பாதிப்பைத் தவிர்க்க முடியும். இதற்கு உணவுக் கட்டுப்பாடு, உடற்பயிற்சி, மருந்துகள் ஆகியவை உதவுகின்றன. உணவுக் கட்டுப்பாடு நீரிழிவு சிகிச்சை முறையில் முதலிடம் வகிக்கின்றது. நீரிழிவு நோய் உள்ளவர்கள் அரிசி உணவைத் தவிர்த்து கோதுமை, கேழ்வரகு போன்ற உணவு வகைகள் மட்டுமே உண்ண வேண்டும் என்று தேவையில்லை எந்த வகையான தானியம் உட்கொள்கிறோம் என்பதை விட எந்த அளவிற்கு உட்கொள்கிறோம் என்பதே முக்கியமாகும். குறிப்பிட்ட உணவு வகைகள் குறிப்பிட்ட அளவில் குறிப்பிட்ட நேரத்தில் உட்கொள்ள வேண்டும்.உணவு உண்ணாமலிருப்பது, அளவிற்கு மேல் உண்பது இரண்டுமே கூடாது.

தவிர்க்க வேண்டிய உணவு வகைகள்:-

இனிப்புகள், தேன், வெல்லம், சர்க்கரை கலந்த பலகாரங்கள். கேக், பிஸ்கெட், ஐஸ்கிரீம். வெண்ணெய், நெய், பொரித்த உணவு வகைகள். மதுபானங்கள், குளிர் பா னங்கள், ஹார்லிக்ஸ், போர்ன் விட்டா. உலர்ந்த பழவகைகள், கொட்டைப் பருப்பு (முந்திரி, பாதாம், பிஸ்தா). எண்ணெயில் தயாரித்த ஊறுகாய், வாழைப்பழம், அசைவ உணவுகளில் கொழுப்புச்சத்து அதிகம் உள்ளதை தினமும் சாப்பிட்டால் எடை குறையாது. இரத்தத்தில் கொலஸ்ட்ரால் அளவும் குறையாது. எனவே தான்வாரம் ஒரு முறைக்கு மேல் அசைவ உணவு சாப்பிடுவதை தவிர்க்க வேண்டும்.

தாராளமாக சாப்பிடக்கூடியவை:-

கீரை வகைகள், வெள்ளரிக்காய், வெண்டைக்காய், பாகற்காய், கத்தரிக்காய், புடலங்காய், பீன்ஸ், கொத்தவரங்காய், குடைமிளகாய், பப்பாளிப்பழம், வாழைப்பூ, வாழைத்தண்டு, தக்காளி, செளசௌ, அவரைக்காய், முட்டைக்கோஸ், வெங்காயம், பூண்டு, இஞ்சி, கொத்தமல்லி இலை, கறிவேப்பிலை, புதினா, காய்கறி சூப், எலுமிச்சை.

சாப்பிடக்கூடிய பழவகைகளின் அளவு:-

சாத்துக்குடி – 1,
ஆரஞ்சு – 1,
கொய்யா – 1,
ஆப்பிள் – அரை,
திராட்சை – 15,
பிளம்ஸ்- அரை,
தர்ப்பூசணி – 1
பெரிய துண்டு, மாதுளை- அரை,
பலா- 3 சுளைகள்,
அன்னாசி- 2 சிறிய துண்டுகள்,
பப்பாளி- 1 பெரிய துண்டு.

சாப்பிடும் நேரம்:-

காலை 6 மணி:- காபி அல்லது தேநீர் 1 கப், சர்க்கரை இல்லாமல்.

காலை 8 மணி:- இட்லி- 4, அல்லது தோசை- 4 அல்லது சப்பாத்தி- 4 அல்லது இடியாப்பம் – 4, உடன் சட்னி அரை கப் அல்லது ரொட்டி 4 துண்டுகள்.

முற்பகல் 11 மணி:- மோர் அல்லது தக்காளி அல்லது பருப்பு அல்லது காய்கறி சூப் அல்லது 1 டம்ளர் எலுமிச்சை சாறுடன் வெள்ளரிக்காய் – 1 கப்.

பகல் 1 மணி:- சோறு-2 கப், சாம்பார் 1/4 கப், கீரை-1 கப், காய்கறி-1/2 கப், ரசம்-1 கப், கோழி-75 கிராம் அல்லது கறி- 50 கிராம் அல்லது மீன்-75 கிராம் அல் லது முட்டை வெள்ளைக் கரு அல்லது சுண்டல் 1/4 கப்.

மாலை 5 மணி:- காபி அல்லது தேநீர்-1 கப் (சர்க்கரை இல்லாதது), வடை- 1 அல்லது  பிஸ்கட்- 2.

இரவு 8 மணி:- காலை அல்லது பகல் சாப்பாட்டைப் போல் பாதி அளவு.

இரவு 10 மணி:- பால் அரைகப், பழம் சிறியது-1